Author name: Vlen

Berlin, 20 prill – Lideri i Lëvizjes Demokratike, njëherit edhe bartës liste në njësinë numër një, Izet Mexhiti, në Tubimin Madhështor me bashkëkombas në Berlin të Gjermanisë, mërgimtarëve u drejtua me fjalët ngazëllyese duke u dhënë sihariqin e fitores më 8 Maj si dhe vlerën e votës së mërgatës që din të dënoj regjimet dhe ata që urrejnë Kurtin dhe Kosovën. “Lëvizjet e para kryengritëse e politike kanë nisur nga mërgata, si për mposhtjen e Jugosllavisë e për Pavarsinë e Kosovës e po kjo mërgatë do ta dënoj BDI-në që kundërshton Kosovën dhe koketon me Vuçiçin”. Mexhiti po ashtu ka shtuar se tani është momenti historik për ndryshime në skenën politike shqiptare pas disa dekadash, me opozitën e bashkuar dhe Vetëvendosjen. Ai gjithashtu ka thënë se BDI-ja ka devijuar rrugën dhe se i pengon Kosova dhe prania e saj në Maqedoni të Veriut. “Shqiptarët e Shkupit, një pjesë të familjes e kanë në Shkup e pjesa tjetër në Han të Elezit dhe Kaçanik, andaj ne jemi të pandashëm me Kosovën, kështu që më vjen neveri nga BDI-ja se si po nxjerrin vrerë dhe frikësohen nga prania e Kosovës”, ka deklaruar Mexhiti.

Ministrja e Drejtësisë e Kosovës, Albulena Haxhiu, nga Berlini, shprehi përkrahje të fuqishme për Arben Taravarin dhe VLEN-in për zgjedhjet e presidenciale dhe parlamentare. Haxhiu, tha se pavarësisht që fizikisht kryeministri Kurti nuk ka mundur të jetë prezentë në Berlin, ju e dini, tha ajo, që “Koalicioni VLEN e ka mbështetjen e pa rezervë edhe të kryeministrit Kurti por edhe të gjithë Lëvizjes Vetëvendosje”. “Për të ardhur deri tek fitorja na kanë mbetur edhe pak ditë. Që ta kemi fitoren në Maqedoninë e Veriut, ta kemi president Arben Taravarin, e poashtu një qeverisje që i shërben qytetarëve në Maqedoninë e Veriut”, deklaroi ministrja Albulena Haxhiu. Ajo tha se është e bindur se si në Kosovë ku VV dëshmoi se ka pushtet i cili nuk i vjedh dhe dëmton qytetarët, ashtu edhe koalicioni VLEN do të jetë partnerë të tyre dhe se jo vetëm që do t’ju shërbejë qytetarëve të Maqedonisë, por edhe Mërgatës. Haxhiu tha se ata si Vetëvendosje kanë nevojë për një front të përbashkët. “Prandaj unë ju lus që të shkoni fizikisht që të votoni pro ama po ashtu ju lus që të mos shkoni vet t’i merrni vajzat, grat t’i merrni nënat sepse koalicioni VLEN ka nevojë për ju me qëllim që ju ta mëbshtesni tash e pastaj ata t’ju shërbejnë në vazhdimësi për shumë vite”, deklaroi Haxhiu.

Berlin/Cyrih, 19 prill – Koalicioni VLEN do të qëndroj në Berlin të Gjermanisë dhe në Cyrih të Zvicrës këto ditë për të takuar mërgatën në prag të zgjedhjeve presidenciale dhe parlamentare me 24 prill dhe 8 maj. Sipas informacioneve të cilat janë publikuar aty thuhet se do të jetë i pranishëm edhe kryeministri i Kosovës, Albin Kurti. “Takim me mërgatën shqiptare në Berlin. Mërgata jonë është e njësuar dhe pa kufij të imponuar. Mezi kemi pritur dhe ende presim “ndërhyrjen” e saj në çdo kohë, në të gjitha trojet shqiptare.” ka shkruar Qoku në Facebook.

Shkup, 19 prill – Arben Taravari tha se përmes grandeve për teknologji do të mbështeten të rinjtë që do të ndikojë edhe në zhvillimin e shtetit por ndërkohë do të bëjë që të rinjtë të ardhmen ta shohin në Maqedoninë e Veriut. “Përmes grandeve për teknologji dhe inovacion do të mbështesim të rinjtë dhe të rejat me idetë e tyre kreative, të cilat në radhë të parë i shërbejnë zhvillimit tonë si shtet. Kjo do të jetë edhe një arsye shtesë për ta, që të shohin të ardhmen këtu tek ne, e jo larg shtëpive të tyre, jo larg vendlindjes së tyre. Na duhet më shumë drejtësi në këtë vend, na duhet gjyqësor që funksionon sepse pretendojmë për shtet të së drejtës”, tha Taravari. Ai tutje njoftoi se gjatë ditës së nesërme, do të udhëtojë për në diasporë së bashku me liderët e tjerë të koalicionit dhe paralajmëroi se do të shoqërohen nga lideri i Vetëvendosjes, Albin Kurti.

Shkup, 19 prill – Kreu i Lëvizjes BESA Bilall Kasami sonte në tubimin e VLEN në Strugë ka ironizuar me seancën e improvizuar të Frontit Europian, ku Ali Ahmeti është zgjedhur kryeministër, Ziadin Sela kryeparlamentar, Bujar Osmani president. Kasami ka deklaruar se duhet të lutemi edhe për kundërshtarët, duke shtuar që Zoti tua ruajë mendjen, sepse pushteti vjen e shkon, ndërsa mendja është gjë e shtrenjtë.

Shkup, 19 prill – “Nuk mund të korrputojnë kaq lehtë vullnetin e struganëve, se dinjiteti i struganit nuk është në shitje. Struga frymëzimi i qytetit poetik, tani është frymëzuar nga trishtimi, shpresa nga dëshpërimi, qëndresa nga ikja. Struga djep i kulturës dhe i dijes, sot është bërë i shitjes së diplomave dhe i listave të zeza. Struganët nuk kanë nevojë ta kapërdijnë këtë turp dhe mjerim, por ta kthejmë shpresën e atdhedashurisë”, u shpreh Qoku.