President 2024

Njoftime, President 2024

Koalicioni VLEN paralajmëron tubim spektakolar të hënën në Sheshin Skenderbeu

Shkup, 20 prill – Jemi mbledhur sot këtu, bashkërisht, shefat e fushatës zgjedhore në kuadër të Koalicionit VLEN, që të informojmë opinionin e gjërë për tubimin qëndror që do të mbahet ditën e hënë, 22 prill, 2024. Për të qenë maskimalisht transparent me qytetarët, duam që t`ju informojmë se ashtu siç e kërkon procedura, kemi dorëzuar kërkesë deri tek Qyteti i Shkupit që të mundemi tubimin qëndror ta organizojmë në sheshin Maqedonia, për të parë të gjithë se çka është tubim madhështor, me vullnet të lirë e pa presione, dhe ta sheh pushteti i koruptuar në ikje çfarë don të thotë përkrahje popullore, që ata që moti nuk e kanë. Deri sot nuk kemi marrë asnjë përgjigje nga Qyteti, gjë që nënkupton që përgjigja është negative, e këtë vendim e kanë marrë kryetarja Danella Arsovska, Blerim Bexheti dhe Levica,të cilët janë në koalicion, në panik për të pamundësuar koalicionin VLEN të organizojë tubimin, duke e ditur atmosferën dhe përkrahjen e madhe të qytetarëve. Çdo përgjigje që do të vinte ditën e hënë do të ishte e vonshme dhe tendencioze për shkak kohës së shkurtë për organizim. Sidoqoftë, ne nuk qëndrojmë duarkryq, bashkërisht me strukturat tona dhe popullin, kemi vendosur që këtë fushatë jashtëzakonisht pozitive për President ta përmbyllim askund tjetër përveç se këtu, në sheshin tonë, sheshin që mban emrin e kryeheroit tonë Gjergj Kastrioti Skenderbeu, për të paralajmëruar fitoren e madhe të Koalicionit VLEN, me një tubim madhështor! Ritheksojmë, tubimi qëndror do të mbahet në Shkup, në sheshin Skenderbeu, me date 22 prill, ditë e hënë, ora 20.30. Ejani edhe ju dhe bëhuni pjesë e këtij NDRYSHIMI të madh, sepse ia VLEN.

Njoftime, President 2024

Kasami: Funksionarët e BDI-së në Listën e Zezë të SHBA-së, shkak për përçarje në Frontin Europian

Shkup, 20 prill – Lideri i Lëvizjes BESA, Bilall Kasami, në “Euronews Albania” deklaroi se në Frontin Europain ka shumë tensione dhe përçarje, për çka shpreson që të mos eskalojnë në incidente më të mëdha. Ai theksoi se shembull i gjendjes së tensionuar në Frontin Europian janë edhe incidenet dhe reagimet e bartësve të tyre në Njesinë e 5-të zgjedhore. “Para disa ditëve u dështoi një tubim në Strugë, ku pastaj doli edhe reagimi i njërit nga bartësit e Zonës 5, pra njëri nga bartësit e Frontit Evropian, ku siç duket ka pasur tensione në mes të grupit të tij dhe grupit të kryetarit të Komunës së Strugës, Ramiz Merko. Pra, kjo garë besoj të përfundojë pa ndonjë incident më serioz, sepse ne si koalicion opozitar, si VLEN, nuk jemi të interesuar që të ketë tensione, për shkak se vlerësojmë se votuesit tani janë votues familjar të cilët duan një ambient të qetë politik për të dalë me familjet e tyre për të votuar për ndryshimin të cilin e presin”, ka thënë Kasami. Kreu i Lëvizjes BESA tha se listat e koalicionit VLEN janë të pastra dhe nuk ka persona që janë të shkruar në Listën e Zetë të SHBA-së. “Ne jemi shumë të sigurt dhe po e themi shumë hapur se nuk ka dhe nuk do të tolerojmë një person i tillë të jetë pjesë e Koalicionit VLEN, apo të jetë në listat e Koalicionit VLEN. Ne kemi qenë të kujdesshëm në përpilimin e listave për deputet që në asnjë moment të mos kemi asnjë person me biografi të dyshimtë dhe që të jemi me lista të pastra, gjë që nuk ndodh në anën tjetër. Atë që përmenda më herët, në Strugë edhe pse BDI kishte deklaruar se ishte e distancuar nga kryetari i Komunës së Strugës, ai është pjesë aktive e kampanjës së BDI në Zonën 5 dhe kjo në fakt po ju sjell tensione dhe po i rikthen konfliktet e së kaluarës në mes të ASH dhe BDI-së dhe BDI ka pjesë të strukturave të saj persona nongrata, ka persona që në të asrdhmen të jenë nëpër këto lista të zeza”, deklaroi kryetari i Lëvizjes BESA, Bilall Kasami. Ai foli edhe për euforinë që është krijuar në mbështetje të Koalicionit VLEN në të gjitha vendbanimet shqiptare, ku theksoi se qytetarët si asnjëherë më parë rreshtohen rreth VLEN-it dhe presin të vijë ndryshimi.

Njoftime, President 2024

“TËRMET” në BERLIN // Mbështetje e madhe për VLEN nga mërgata / Ndryshimi po vjen , ja VLEN (VIDEO)

Berlin, 20 prill – Dje në Berlin për një tubim me qytetarët u mblodhën liderët e Vlen bashkë me kandidatin për president Arben Taravari të cilët para qytetarëve dhanë shpresë të gjithë shqiptarëve në mërgatë për një jetë më të mirë pasiqë sipas tyre, ndryshimi ia Vlen. Mexhiti, Kasami, Gashi dhe Taravari premtuan siguri, zhvillim ekonomik si dhe një infrastrukturë më të mirë në mbarë vendin dhe në veçanti në vendbanimet shqiptare. Ndonëse ishte paraparë që në takim të bashkangjitet edhe kryeministri kosovar Albin Kurti, ai nuk u shfaq por kishte dërguar si përfaqësueses ministren e Drejtësisë, Albulena Haxhiu e cila iu drejtua mbarë të pranishmëve duke kërkuar mbështetje për Arben Taravarin. Taravari në Berlin tha se nuk ka pasur proces të rëndësishëm të Maqedonisë së Veriut që është bërë pa diasporën, duke u nisur nga lëvizja e parë politike. Universiteti i Tetovës, ishte projekt i pamundur pa përkrahjen e diasporës, gjithashtu deri tek vendosja e kësaj partie që tani është në pushtet, sikur që tani jeni të përkushtuar nga diaspora për ta ndryshuar këtë parti. Dy herë kam garuar në Gostivar dhe ka ardhur një numër i konsideruar i mërgimtarëve. Ndërkohë Mexhiti ka shtuar se Lëvizjet e para kryengritëse e politike kanë nisur nga mërgata, si për mposhtjen e Jugosllavisë e për Pavarsinë e Kosovës e po kjo mërgatë do ta dënoj BDI-në që kundërshton Kosovën dhe koketon me Vuçiçin. Gashi ndërkohë vlerësoi se katër parti shqiptare bashkë me Vetëvendosjen, pesë subjekte, janë bërë bashkë për ta dëshmuar se liderët e partive politike, katër parti, apo pesë parti nuk e shohin interesin e tyre por janë bërë bashkë për të mirën e njerëzve. Derisa Kasami nënvizoi se për zhvillimet që ndodhin, manovrat më të mëdha që po i bën Serbia në kufi me Kosovën, ia pamundësuan Albinit të Vetëvendosjes që të jetë këtu por nuk ia pamundësuan Albulenës së Vetëvendosjes. Ndryshe, zgjedhjet presidenciale rrethi i parë pritet të mbahet më 24 prill ditën e mërkurë kurse rrethi i dytë bashkë me zgjedhjet parlamentare më 8 maj gjithashtu e mërkurë.

Njoftime, President 2024

Hasani: Arsovska, Bexheti dhe Levica nuk lejuan organizimin e tubimit në Sheshin Maqedonia, çdo përgjigje ditën e hënë do të ishte e vonshme

Shkup, 20 prill – Bashkim Hasani nga Vlen ka informuar se siç e kërkon procedura kanë kërkuar kërkesë deri tek qyteti i Shkupit që tubimin Qëndror ta organizojnë në Sheshin Maqedonia në Shkup, siç theksoi Hasani për të parë të gjithë se çka është tubim madhështor. “Deri sot nuk kemi marrë asnjë përgjigje nga qyteti gjë që nënkupton që përgjigja është negative, e këtë vendim e kanë marrë kryetarja Danella Arsovska, Blerim Bexheti bashkë me Levicën të cilët janë në koalicion. Në panik për të pamundësuar koalicionin VLEN të organizojë tubim, duke ditur atmosferën dhe përkrahjen e madhe të qytetarëve çdo përgjigje që do të vinte ditën e hënë do të ishte e vonshme dhe tendencioze për shkak kohës së shkurtë për organizim”, tha Hasani.

Njoftime, President 2024

Gashi nga Berlini: Jemi në proces për ta bërë ndryshimin historik në Maqedoninë e Veriut

Berlin, 20 prill – Kryetari i Alternativës Afrim Gashi nga Berlini tha se ata janë në një proces për të bërë ndryshimin historik në Maqedoninë e Veriut.Ai tha se kanë bërë diçka që nuk ka ndodhur asnjëherë. “Katër parti shqiptare bashkë me Vetëvendosjen, pesë subjekte, janë bërë bashkë për ta dëshmuar se liderët e partive politike, katër parti, apo pesë parti nuk e shohin interesin e tyre por janë bërë bashkë për të mirën e njerëzve. Përfundimisht nëse politika nuk bëhet bashkë për t’ju shërbyer shqiptarëve, interesave dhe qytetarëve, atëherë ajo e humb kuptimin se pse duhet të ekzistojë”, deklaroi Afrim Gashi, kryetar i Alternativës. Gashi tha ata i shprehin mirënjohje mërgatës shqiptare për angazhimin e madh që ka dhënë për ta çliruar Kosovën, për t’i ndihmuar ekonomikisht e financiarisht. “Për shkak se pa juve vërtetë nuk e di a do të ekzistonim, si do të ishte ekzistenca jonë atje poshtë në vendlindje”, tha Gashi.Ai tha se dëshirojnë reformat dhe ndryshimi që do të vijë të jetë parasegjithash edhe për qytetarët shqiptarë në Maqedoni por edhe për mërgatën.

Njoftime, President 2024

Taravari nga Berlini: Votoni rotacionin politik që duhet të ndodhë në Maqedoninë e Veriut

Berlin, 20 prill – Koalicioni i VLEN-it, sonte ka qëndruar në Berlin ku është pritur në numër shumë të madh nga mërgata shqiptare. Kandidati për president, Arben Taravari, nga tubimi qendror theksoi se asnjë proces politik nuk është bërë pa diasporën andaj edhe kësaj radhe diaspora do të sensibilizohet për të bërë ndryshimin politik më 24 Prill dhe 8 Maj. “Nuk ka pasur proces të rëndësishëm të Maqedonisë së Veriut që është bërë pa diasporën, duke u nisur nga lëvizja e parë politike. Universiteti i Tetovës, ishte projekt i pamundur pa përkrahjen e diasporës, gjithashtu deri tek vendosja e kësaj partie që tani është në pushtet, sikur që tani jeni të përkushtuar nga diaspora për ta ndryshuar këtë parti. Dy herë kam garuar në Gostivar dhe ka ardhur një numër i konsideruar i mërgimtarëve. Ata sensibilizojnë popullatën dhe tregojnë se sa është e rëndësishme të votohet për tu bërë ndryshimi. U bashkuam edhe ne tani e bëmë punën tonë, ju vazhdoni ta bëni punën tuaj, votonin rotacionin politik që duhet të ndodhë në Maqedoni të Veriut. Në këtë mënyrë ne të mundësojmë që një pjesë të kthehet të jetojnë në Maqedoni të Veiut. Ju mund të komunikoni me plotë njerëz, të kërkoni që më 24 prill të na përkrahin, sepse 24 prilli do të jetë çelësi i fitores së madhe parlamentare më 8 maj”- marrë nga fjalimi i Arben Taravarit në tubimin qendror me mërgatën në Berlin.

Maqedoni, President 2024

Kasami: U bë telefonata, Albin Kurtit iu pamundësua ardhja në Berlin

Berlin, 20 prill – Bilall Kasami njoftoi se lideri i Lëvizjes Vetëvendosje nuk mund të merrte pjesë në takimin me diasporën në Berlin, pasi siç tha manovrat që po i bën Serbia në kufi me Kosovën, e pamundësuan ardhjen e Kurtit. Ai tutje shtoi se, ardhja e Albin Kurtit u pamundësua por jo edhe ardhja e Albulena Haxhiut. “Për zhvillimet që ndodhin, manovrat më të mëdha që po i bën Serbia në kufi me Kosovën, ia pamundësuan Albinit të Vetëvendosjes që të jetë këtu por nuk ia pamundësuan Albulenës së Vetëvendosjes”, tha Kasami.

Scroll to Top